Londonning “Arsenal” klubi muxlisi jurnalist Pirs Morgan Angliya Premyer-ligasining 6-turida “kanonirlar”ning “Tottenxem”ga qarshi o‘yini haqida tanqidiy fikr bildirdi.
“Bu kun umidsizlik bo‘ldi. "Arsenal" odatdagidan yomonroq o‘ynadi. Agar jamoa shunday futbol ko‘rsatishda davom etsa, ikki haftadan so‘ng "Manchester Siti"dan mag‘lub bo‘ladi", - deyiladi jurnalistning ijtimoiy tarmoqlardagi xabarida.
Eslatib o‘tamiz, “Arsenal” – “Tottenxem” derbisi “Emireyts” stadionida bo‘lib o‘tgan va 2:2 hisobida yakunlangan.
Angliya chempionatining besh turidan so‘ng Mikel Arteta shogirdlari turnir jadvalida beshinchi o‘rinda bormoqda.
