Lissabonning "Sporting" klubiga tegishli bo‘lgan Ivuarlik himoyachi Usmon Diomande Ispaniyaning top-klubiga o‘tishi mumkin. Bu haqda Todofichajes jurnalistlari xabar bermoqda.
Eder Militao jarohati tufayli himoya markaziga yangi futbolchi qidirayotgan Madridning “Real” klubi 19 yoshli afrikalik futbolchining xizmatlariga qiziqish bildirmoqda.
"Los-Blankos" Usmonni yanvardagi transfer oynasida qo‘lga kiritishni rejalashtirmoqda. Transfermarkt portali Diomandening narxini o‘n million yevroga baholamoqda.
Portugaliya chempionatining joriy mavsumida himoyachi oltita o‘yin o‘tkazib, bitta gol urdi va bitta golli uzatmani amalga oshirdi.