Лиссабоннинг "Спортинг" клубига тегишли бўлган Ивуарлик ҳимоячи Усмон Диоманде Испаниянинг топ-клубига ўтиши мумкин. Бу ҳақда Todofichajes журналистлари хабар бермоқда.

Эдер Милитао жароҳати туфайли ҳимоя марказига янги футболчи қидираётган Мадриднинг “Реал” клуби 19 ёшли африкалик футболчининг хизматларига қизиқиш билдирмоқда.

"Лос-Бланкос" Усмонни январдаги трансфер ойнасида қўлга киритишни режалаштирмоқда. Transfermarkt портали Диоманденинг нархини ўн миллион еврога баҳоламоқда.

Португалия чемпионатининг жорий мавсумида ҳимоячи олтита ўйин ўтказиб, битта гол урди ва битта голли узатмани амалга оширди.