"Real" hujumchisi Xoselu "Jirona" bilan La Liganing so‘nggi o‘yinida jamoasining g‘alabasi haqida fikr bildirdi.
“Jirona" kuchli raqib ekanligiga amin edik. Biz bu yerda g‘alaba qozonishga ahd qildik va turnir jadvalida yuqori pog‘onaga ko‘tarila oldik. Jamoa o‘yinni unchalik yaxshi boshlagani yo‘q, lekin bu normal holat, chunki mehmonda o‘ynadik, raqiblar esa tinmay bosim o‘tkazishdi.
O‘yin g‘oyamiz samarali chiqdi va safarda uchta gol urishga muvaffaq bo‘ldik. Bugungidek qiyin o‘yinlarda g‘alaba qozonish uchun insoniylik va o‘zingni qurbon qilish qobiliyatiga ega bo‘lish kerak", - dedi Xoselu Madrid Universal bilan suhbatda.
Eslatib o‘tamiz, “Real” Ispaniya chempionatining 8-turi doirasida “Jirona” bilan o‘ynagan va 3:0 hisobida g‘alaba qozongan edi. Ushbu uchrashuvda “Qirollik klubi” hujumchi Xoselu bitta gol kiritdi.
