“Inter” hujumchisi Lautaro Martines “Salernitana” bilan A Seriyaning so‘nggi o‘yinida ikkinchi bo‘limda zaxiradan maydonga tushib, to‘rtta gol urdi va Italiya chempionatidagi eng sermahsul hujumchiga aylangani haqida o‘z fikri bilan o‘rtoqlashdi.

“Hujumchi uchun to‘purar bo‘lish muhim, lekin men doim jamoa va jamoadoshlarimga yordam berish haqida o‘ylayman. Agar men eng sermahsul hujumchiga aylansam, bu jamoaga yordam berganimni anglatadi.

"Salernitana" ajoyib raqib, lekin biz g‘alaba qozonish uchun bu yerga kelishimiz kerak edi va biz buni uddaladik. Tanqid bizning ishimizning bir qismi, lekin biz maydonga chiqib, nimaga qodir ekanimizni ko‘rsatishimiz kerak. Jamoa har doim katta ahamiyatga ega. Bir futbolchi gol ursa, u xursand bo‘ladi, chunki u jamoaga yordam bera oldi", - dedi Martines.