Madridning «Real» klubi bosh murabbiyi Karlo Anchelotti yarim himoyachi Luka Modrich bilan hech qanday mojarosi yo‘qligini aytdi va xorvatiyalik futbolchining jamoaning so‘nggi o‘yinlarida nima uchun maydonga tushmaganiga izoh berdi.
38 yoshli yarim himoyachi Ispaniya chempionatidagi so‘nggi ikki o‘yinda zaxirada qoldi.
«Luka Chempionlar ligasining birinchi turida maydonga tushdi, «Atletiko» bilan derbida ishtirok etdi.
Yarim himoyadagi raqobat juda yuqori bo‘lgani uchun so‘nggi ikki o‘yinda maydonga tushmadi. Ba’zida kimdir zaxirada qolishi kerak.
Modrichning biz bilan hech qanday muammosi yo‘q. Men uni juda hurmat qilaman, lekin ba’zida siz aqlli qarorlar qabul qilishingiz kerak.
Modrich yaxshi holatda. Bu taktik qaror. Ertaga boshqa o‘yin bo‘lsa, hammasi o‘zgarishi mumkin. Bugun Modrich zahirada, ertaga Kroos, keyin Chuameni yoki Kamavinga», — deya Anchelottining so‘zlarini keltiradi Relevo.
