Мадриднинг «Реал» клуби бош мураббийи Карло Анчелотти ярим ҳимоячи Лука Модрич билан ҳеч қандай можароси йўқлигини айтди ва хорватиялик футболчининг жамоанинг сўнгги ўйинларида нима учун майдонга тушмаганига изоҳ берди.
38 ёшли ярим ҳимоячи Испания чемпионатидаги сўнгги икки ўйинда захирада қолди.
«Лука Чемпионлар лигасининг биринчи турида майдонга тушди, «Атлетико» билан дербида иштирок этди.
Ярим ҳимоядаги рақобат жуда юқори бўлгани учун сўнгги икки ўйинда майдонга тушмади. Баъзида кимдир захирада қолиши керак.
Модричнинг биз билан ҳеч қандай муаммоси йўқ. Мен уни жуда ҳурмат қиламан, лекин баъзида сиз ақлли қарорлар қабул қилишингиз керак.
Модрич яхши ҳолатда. Бу тактик қарор. Эртага бошқа ўйин бўлса, ҳаммаси ўзгариши мумкин. Бугун Модрич заҳирада, эртага Кроос, кейин Чуамени ёки Камавинга», — дея Анчелоттининг сўзларини келтиради Relevo.
