Бугун, 8 сентябрь куни УЕФА Чемпионлар лигасининг 2026/27 йилги мавсумига старт берилади. Умумий босқичнинг 1-тур учрашувлари 8–10 сентябрь кунлари бўлиб ўтади.

Биринчи ўйин кунида 6 та баҳс ўтказилади. Тошкент вақти билан 21:45 да АЕК — ЛАСК ва "Брюгге" — "Астон Вилла" учрашувлари бошланади. Соат 00:00 дан эса "Боруссия Дортмунд" — "Вильярреал", "Порту" — "Манчестер Сити", "Лилль" — "Бетис" ҳамда "Реал" — "Интер" баҳслари ўрин олган.

Ўзбекистонлик мухлислар учун "Порту" — "Манчестер Сити" учрашуви ҳам алоҳида қизиқиш уйғотади. "Шаҳарликлар" қайдномасидан Ўзбекистон терма жамоаси ҳимоячиси Абдуқодир Ҳусанов ҳам жой олган.

Чемпионлар лигасининг дастлабки тури уч кун давом этади. 9 сентябрь куни "Барселона" — "Фейеноорд", "Ливерпуль" — "Атлетико", "Наполи" — "Арсенал" каби учрашувлар ўтказилса, 10 сентябрь куни "Бавария", "Манчестер Юнайтед", "Рома" каби клублар мусобақадаги юришини бошлайди.