"Manchester Yunayted" rahbariyati jamoa bosh murabbiyi Erik ten Xagni qo‘llab-quvvatlamoqda, deb xabar beradi The Guardian.
Manbaning xabariga ko‘ra, klub 53 yoshli mutaxassisning kelajagi borasida hozircha muhokama qilmoqchi emas. Rahbariyat ten Xagga ishonadi va uni jamoaning uzoq muddatda rivojlanishiga yordam beradigan ideal murabbiy sifatida ko‘radi.
Ma’lum qilinishicha, klub bu jamoaning muvaffaqiyatsiz o‘yini sabablaridan biri - jarohatlar, deb hisoblamoqda.
"Manchester Yunayted" mavsum boshida 10 ta o‘yinda 6 ta mag‘lubiyatga uchradi. Chempionlar ligasida mankunianliklar ketma-ket ikki o‘yinda mag‘lub bo‘lishdi va “A” guruhida so‘nggi o‘rinda bormoqda.
