"Манчестер Юнайтед" раҳбарияти жамоа бош мураббийи Эрик тен Хагни қўллаб-қувватламоқда, деб хабар беради The Guardian.
Манбанинг хабарига кўра, клуб 53 ёшли мутахассиснинг келажаги борасида ҳозирча муҳокама қилмоқчи эмас. Раҳбарият тен Хагга ишонади ва уни жамоанинг узоқ муддатда ривожланишига ёрдам берадиган идеал мураббий сифатида кўради.
Маълум қилинишича, клуб бу жамоанинг муваффақиятсиз ўйини сабабларидан бири - жароҳатлар, деб ҳисобламоқда.
"Манчестер Юнайтед" мавсум бошида 10 та ўйинда 6 та мағлубиятга учради. Чемпионлар лигасида манкунианликлар кетма-кет икки ўйинда мағлуб бўлишди ва “А” гуруҳида сўнгги ўринда бормоқда.
