Osiyo O‘yinlarining boks musobaqasida yarim final janglari yakunlanib bormoqda. Erkaklar o‘rtasida 57 kg. vazndagi jahon chempioni Abdumalik Halakov final yo‘llanmasi uchun xitoylik Ping Lyuga qarshi jang olib bordi.
Hamyurtimiz barcha raundlarda ustunlikka erishib, g‘alabani qo‘lga kiritdi — 5:0 (30:27, 30:27, 30:27, 30:27, 30:27). Halakov finalda Shuday Xarada (Yaponiya) / Rujakran Juntrong (Tailand) juftligi g‘olibiga qarshi ringga ko‘tariladi.
Avvalroq Hasanboy Do‘smatov va Bahodir Jalolov ham final yo‘llanmasini qo‘lga kiritgandi.
