Londonning “Chelsi” klubi himoyachisi Mark Kukurelya qishki transfer oynasidan keyin jamoada qolishi mumkin. Futbolchi va klub xayrlashishga ochiq edi, biroq yaqinda Kukurelya murabbiylar shtabini o‘zining qadriga yetganiga ishontira oldi.
Jurnalist Ben Jeykobsning so‘zlariga ko‘ra, Kukurelyaning bu masalaga munosabati “Chelsi” murabbiylar shtabining ko‘plab a’zolarini hayratda qoldirgan. Klub Markning asosiy jamoadagi o‘rni uchun kurashayotgan xarakteridan hayratda.
Eslatib o‘tamiz, Angliya premyer-ligasining so‘nggi turida Kukurelya nominalda chap qanot himoyachisi bo‘lsa-da, o‘ng qanot himoyachisi sifatida “Fulxem”ga qarshi o‘ynadi.
