“Roma” bosh murabbiyi Joze Mourinyo Yevropa ligasi guruh bosqichining 2-tur uchrashuvida Shveysariyaning “Servett” jamoasi ustidan qozonilgan yirik hisobdagi g‘alaba (4:0) haqida fikr bildirdi.

“Birinchi bo‘limni dahshatli o‘tkazdik. Menga jamoaning o‘yini umuman yoqmadi. Tanaffusdan keyin jamoaning kayfiyati yaxshilandi va futbolchilar tempni oshirdi. Menga Lukaku va Belottining o‘yinlari yoqdi. Maydonda Dibala bo‘lmasa, jamoaga kreativlik yetishmayapti, chunki Romelu va Andrea sof hujumchilardir", - deya murabbiy so‘zlarini keltiradi UYEFA rasmiy sayti.