“RB Leypsig” himoyachisi Kostello Lukeba Fransiya terma jamoasining oktyabr oyidagi o‘yinlari uchun asosiy tarkibiga debyut chaqiruvini oldi.

Nemis klubi futbolchisi jarohat olgan "Chelsi" futbolchisi Aksel Disasi o‘rniga maydonga tushadi. Qizig‘i shundaki, "ko‘klar" himoyachisi 9 oktabr, dushanba kuni yana bir jarohat olgan futbolchini, ya’ni "Barselona"dan Jyul Kundeni almashtirgan edi.

Lukeba dastlab Fransiya yoshlar terma jamoasiga chaqirilgan, shuning uchun u allaqachon terma jamoa bazasida edi.