Angliya terma jamoasi bosh murabbiyi Garet Sautgeyt qo‘pol xatolari uchun tez-tez tanqid qilinadigan "Manchester Yunayted" markaziy himoyachisi Xarri Maguayrni qo‘llab-quvvatladi.

“Murabbiy o‘z futbolchilarini himoya qilishi kerak. Xarriga g‘alati munosabatda bo‘lishadi. "Manchester Yunayted"ning so‘nggi mag‘lubiyatlaridan biridan so‘ng, jurnalistlar ushbu o‘yinda ishtirok etmagan bo‘lsa-da, materialda Maguayrning suratidan foydalanishdi. Qaysidir darajada, bu allaqachon ongsizlarcha qilingan ish bo‘lmoqda, - deya mutaxassisning so‘zlarini keltiradi The Guardian.

Angliya Premyer-ligasining joriy mavsumida 30 yoshli himoyachi uchta o‘yin o‘tkazib, golli uzatmani amalga oshirdi.