"Barselona" "Palmeyras"ning 17 yoshli futbolchisi Luis Gilerme uchun poygada qatnashmaslikka qaror qildi.
A Seriyada "Palmeyras"ning asosiy tarkibida 15 ta o‘yin o‘tkazishga muvaffaq bo‘lgan hujumkor yarim himoyachi Yevropaning top klublari skautlari e’tiborini tortdi.
Mundo Deportivo nashri xabariga ko‘ra, "Barselona" Gilermega da’vogarlar ro‘yxatidan chiqib ketgan. Vunderkindga "Real" va "Bavariya", shuningdek, Angliyaning "Chelsi" va "Manchester Yunayted" klublari qiziqish bildirmoqda.
Transfermarkt portali ekspertlari Luis Gilermening transfer qiymatini 7 million yevroga baholamoqda. Futbolchining amaldagi shartnomasi 2025 yilning o‘rtalariga qadar mo‘ljallangan.
