Madridning “Real” klubi “Shaxtyor” himoyachisi Vinisius Tobiasni sotib olish huquqidan foydalanadi, deya xabar beradi ElDesmarque.

Madrid klubi 19 yoshli braziliyalikning kelajagiga katta pul tikmoqda.

To‘liq transfer kelasi yozda, ijara shartnomasi muddati tugashidan oldin amalga oshiriladi.

Sotib olish summasi klublar o‘rtasida kelishib olindi, u 10 million yevro atrofida bo‘ladi.

Lukas Vaskesning shartnomasi yozda tugaydigan bo‘lsa, Vinisius asosiy jamoa bilan mavsumoldi mashg‘ulotlarini o‘tkazishi va Karlo Anchelotti yoki "Los Blankos"ning yangi bosh murabbiyini unga ishontirish imkoniyatiga ega bo‘lishi mumkin.

Agar yozda Tobias hali asosiy jamoada o‘ynashga tayyor emasligi aniqlansa, u La Liga klubi yoki boshqa chempionatga ijaraga yuboriladi.

Vinisius bir yarim yildan beri "Real Kastilya"da ijara asosida o‘ynamoqda va jamoa bosh murabbiyi Raul uning o‘yinidan mamnun. Bu vaqt ichida u 50 ta uchrashuvda 7 ta golli uzatmani amalga oshirdi.