"Golden Boy" mukofotiga nomzodlarning yakuniy ro‘yxati aniqlandi.
Italiyaning Tuttosport nashri Yevropada yilning eng yaxshi yosh futbolchisi sovrini uchun kurashayotgan 25 nafar futbolchi ro‘yxatini e’lon qildi.
Football Benchmark tahliliy kompaniyasi tomonidan 20 nafar nom berildi, yana 5 nafar futbolchi tahririyatdan wild-card oldi. Taqdirlash marosimi 4 dekabr kuni Turin shahrida bo‘lib o‘tadi.
Golden Boy-2023ga da’vogarlar: Jud Bellingem («Real»), Jamol Musiala («Bavariya»), Xavi Simons («RB Leypsig»), Antoniu Silva («Benfika»), Aleks Balde («Barselona»), Florian Virts («Bayer»), Benyamin Sheshko («RB Leypsig»), Djordjo Skalvini («Atalanta»), Rasmus Xeylund («Manchester Yunayted»), Livay Koluill («Chelsi»), Yoxan Bakayoko (PSV), Milosh Kerkez («Bornmut»), Artyur Vermeren («Antverpen»), Evan Fergyuson («Brayton»), Lyuka Gurna-Duat («Red Bull Zalsburg»), Uorren Zair-Emeri («PSJ»), Usmon Diomande («Sporting»), Arnau Martines («Jirona»), Matis Tel («Bavariya»), Andi Diuf («Lans»).
Wild-card olganlar: Arda Gyuler («Real»), Bilyal El-Xannus («Genk»), Martin Baturina («Dinamo» Zagreb), Joau Nevesh («Benfika»), Lamin Yamal («Barselona»).
