"Nyukasl" himoyachisi Den Byorn klub bilan yangi shartnoma imzoladi. Bu haqda ingliz klubi matbuot xizmati xabar berdi. 31 yoshli futbolchining shartnomasi 2025 yilgacha uzaytirildi.

Byorn 2022 yilning yanvaridan beri "Nyukasl" safida o‘ynamoqda. Shu vaqt ichida u barcha turnirlarni hisobga olgan holda 70 ta o‘yinda qatnashib, to‘rtta gol urdi va bitta golli uzatmani amalga oshirdi.

Sakkiz turdan keyin “Nyukasl” 13 ochko bilan Angliya Premyer-ligasi turnir jadvalida sakkizinchi o‘rinda bormoqda.

21 oktyabr kuni "Nyukasl" o‘z stadionida "Kristal Pelas"ni qabul qiladi. O‘yin Toshkenti vaqti bilan soat 19:00da boshlanadi.