Myunxenning “Bavariya” klubi hujumchi Leroy Saneni o‘z safida saqlab qolmoqchi.

Insayder Fabrisio Romanoning so‘zlariga ko‘ra, "Bavariya" va Sane o‘rtasida yangi shartnoma bo‘yicha muzokaralar yaqin orada boshlanadi. Manbaga ko‘ra, bu klubning yaqin oylardagi ustuvor maqsadlaridan biridir. Qayd etilishicha, futbolchi va uning oilasi Myunxenda baxtli.

27 yoshli germaniyalik futbolchi 2020 yildan buyon “Bavariya”da o‘ynab kelmoqda. Joriy mavsumda Sane barcha turnirlarda 11 ta uchrashuvda qatnashib, 7 bor raqiblarini o‘z gollari bilan ranjita oldi.

Sanening "Bavariya" bilan amaldagi shartnomasi 2025 yilgacha mo‘ljallangan. Transfermarkt portali futbolchining narxini 65 million yevroga baholamoqda.