Мюнхеннинг “Бавария” клуби ҳужумчи Лерой Санени ўз сафида сақлаб қолмоқчи.
Инсайдер Фабрицио Романонинг сўзларига кўра, "Бавария" ва Сане ўртасида янги шартнома бўйича музокаралар яқин орада бошланади. Манбага кўра, бу клубнинг яқин ойлардаги устувор мақсадларидан биридир. Қайд этилишича, футболчи ва унинг оиласи Мюнхенда бахтли.
27 ёшли германиялик футболчи 2020 йилдан буён “Бавария”да ўйнаб келмоқда. Жорий мавсумда Сане барча турнирларда 11 та учрашувда қатнашиб, 7 бор рақибларини ўз голлари билан ранжита олди.
Саненинг "Бавария" билан амалдаги шартномаси 2025 йилгача мўлжалланган. Transfermarkt портали футболчининг нархини 65 миллион еврога баҳоламоқда.
