«Bavariya»ning sobiq darvozaboni, hozirda «Inter»da o‘ynayotgan Yann Zommer Myunxen klubida unga oson bo‘lmaganini aytdi.

«Yashirmayman, «Bavariya»da biroz noqulaylik his qildim. Bu, albatta, yaxshi iz qoldirmaydi. Tanqid mening ishimning bir qismi, men u bilan yashay olaman, lekin bu shunchaki asossiz so‘zlar bo‘lsa, hayot yanada qiyinlashadi.

Men o‘zim yaxshi o‘ynadimmi yoki yo‘qmi farqlay olaman, lekin asossiz gaplar katta bosim yuklagan», - dedi Zommer.

Zommer 2023 yilning yanvaridan avgustigacha «Bavariya»da o‘ynagan, o‘tgan yozda «Inter»ga o‘tgan.

Myunxenliklar tarkibida 34 yoshli shveysariyalik barcha turnirlarni hisobga olgan holda 25ta o‘yinda qatnashib, 31ta gol o‘tkazib yubordi va sakkiz marta o‘z darvozasi daxlsizligini saqlab qola oldi.