«Бавария»нинг собиқ дарвозабони, ҳозирда «Интер»да ўйнаётган Янн Зоммер Мюнхен клубида унга осон бўлмаганини айтди.
«Яширмайман, «Бавария»да бироз ноқулайлик ҳис қилдим. Бу, албатта, яхши из қолдирмайди. Танқид менинг ишимнинг бир қисми, мен у билан яшай оламан, лекин бу шунчаки асоссиз сўзлар бўлса, ҳаёт янада қийинлашади.
Мен ўзим яхши ўйнадимми ёки йўқми фарқлай оламан, лекин асоссиз гаплар катта босим юклаган», - деди Зоммер.
Зоммер 2023 йилнинг январидан августигача «Бавария»да ўйнаган, ўтган ёзда «Интер»га ўтган.
Мюнхенликлар таркибида 34 ёшли швейцариялик барча турнирларни ҳисобга олган ҳолда 25та ўйинда қатнашиб, 31та гол ўтказиб юборди ва саккиз марта ўз дарвозаси дахлсизлигини сақлаб қола олди.
