Karlo Anchelotti Italiya terma jamoasi futbolchilarining qimor o‘yinlariga moyilligi haqida gapirdi.
Eslatib o‘tamiz, "Nyukasl" yarim himoyachisi Sandro Tonali va "Aston Villa" vingeri Nikolo Dzanyolo noqonuniy pul tikishda gumon qilinmoqda. "Yuventus" va Italiya terma jamoasi yarim himoyachisi Nikolo Fadjioli ham noqonuniy pul tikishda ayblanib, tergov qilinmoqda.
Tonali qimor o‘yinlaridan aziyat chekayotganini va psixologdan yordam so‘rash niyatida ekanligini aytdi. Fadjiolining agenti Marko Giordano ham mijozining qimorga moyilligi haqida xabar bergan.
"Bu jiddiy xato edi, bu futbolchilar yaxshi emas, ularga davolanish kerak. Ilmiy nuqtai nazardan, qimorga qaramlik kasallikdir. Shu bilan birga, bu butun Italiya futbolining emas, balki alohida odamlarning aybi, deb hisoblayman. Adolat o‘z so‘zini aytadi.
Menimcha, bu yigitlar aniq qoidani unutishdi: pul tikish taqiqlangan. Hammasi oddiy. Ishimizga fidoyilik bilan munosabatda bo‘lganimiz uchun biz buni aniq tushunamiz. Haqiqatan ham, ular har mavsumdan oldin bu taqiqlangani haqida ogohlantiradilar" - dedi "Real" bosh murabbiyi Radio Anch’io Sport nashriga bergan intervyusida.
