Карло Анчелотти Италия терма жамоаси футболчиларининг қимор ўйинларига мойиллиги ҳақида гапирди.

Эслатиб ўтамиз, "Ньюкасл" ярим ҳимоячиси Сандро Тонали ва "Астон Вилла" вингери Николо Дзаньоло ноқонуний пул тикишда гумон қилинмоқда. "Ювентус" ва Италия терма жамоаси ярим ҳимоячиси Николо Фаджиоли ҳам ноқонуний пул тикишда айбланиб, тергов қилинмоқда.

Тонали қимор ўйинларидан азият чекаётганини ва психологдан ёрдам сўраш ниятида эканлигини айтди. Фаджиолининг агенти Марко Гиордано ҳам мижозининг қиморга мойиллиги ҳақида хабар берган.

"Бу жиддий хато эди, бу футболчилар яхши эмас, уларга даволаниш керак. Илмий нуқтаи назардан, қиморга қарамлик касалликдир. Шу билан бирга, бу бутун Италия футболининг эмас, балки алоҳида одамларнинг айби, деб ҳисоблайман. Адолат ўз сўзини айтади.

Менимча, бу йигитлар аниқ қоидани унутишди: пул тикиш тақиқланган. Ҳаммаси оддий. Ишимизга фидойилик билан муносабатда бўлганимиз учун биз буни аниқ тушунамиз. Ҳақиқатан ҳам, улар ҳар мавсумдан олдин бу тақиқлангани ҳақида огоҳлантирадилар" - деди "Реал" бош мураббийи Radio Anch’io Sport нашрига берган интервьюсида.