"Al-Hilol" va Braziliya terma jamoasi hujumchisi Neymar Urugvay bilan JCH-2026 saralash o‘yiniga bormasligi mumkinligini aytdi.
Eslatib o‘tamiz, Braziliya terma jamoasining Venesuela bilan so‘nggi uchrashuvida (1:1) tribunadan Neymarga idishda popkorn uchib kelgandi.
Diario As nashri xabariga ko‘ra, ushbu vaziyatdan so‘ng futbolchi Braziliya federasiyasi rahbari Ednaldo Rodriges bilan janjallashib qolgan. Manbaning xabariga ko‘ra, Neymar Urugvay bilan o‘yinda ishtirok etmasligi bilan tahdid qilgan.
31 yoshli hujumchi Braziliya terma jamoasi safida 127 ta o‘yin o‘tkazib, 79 ta gol va 59 ta golli uzatmani amalga oshirgan.
Urugvay terma jamoasi va Braziliya terma jamoasi o‘rtasidagi uchrashuv 18 oktyabr, chorshanba kuni bo‘lib o‘tadi.
