"Ал-Ҳилол" ва Бразилия терма жамоаси ҳужумчиси Неймар Уругвай билан ЖЧ-2026 саралаш ўйинига бормаслиги мумкинлигини айтди.
Эслатиб ўтамиз, Бразилия терма жамоасининг Венесуэла билан сўнгги учрашувида (1:1) трибунадан Неймарга идишда попкорн учиб келганди.
Diario As нашри хабарига кўра, ушбу вазиятдан сўнг футболчи Бразилия федерацияси раҳбари Эдналдо Родригес билан жанжаллашиб қолган. Манбанинг хабарига кўра, Неймар Уругвай билан ўйинда иштирок этмаслиги билан таҳдид қилган.
31 ёшли ҳужумчи Бразилия терма жамоаси сафида 127 та ўйин ўтказиб, 79 та гол ва 59 та голли узатмани амалга оширган.
Уругвай терма жамоаси ва Бразилия терма жамоаси ўртасидаги учрашув 18 октябрь, чоршанба куни бўлиб ўтади.
