Angliya terma jamoasi himoyachisi Kayl Uoker Italiya terma jamoasi bilan 17 oktyabr kuni bo‘lib o‘tadigan bo‘lajak o‘yin haqida o‘z fikrlari bilan o‘rtoqlashdi.
Inglizlar saralash bosqichi tugashiga ikki tur qolganda uch ochkolik farqni saqlab qolish uchun Luchano Spaletti jamoasi bilan durang o‘ynashlari kerak.
“2021 yilgi final? Albatta, bu mag‘lubiyat umidsizlikka tushirdi, ammo finaldagi mag‘lubiyat o‘sishga yordam beradi. O‘z vaqtida "Manchester Siti" uchun Chempionlar ligasi finalida mag‘lub bo‘lganman, ammo ikki yildan so‘ng biz treblga erishdik.
Biz o‘z o‘yinimizni ko‘rsatib, g‘alaba qozonishni istaymiz, lekin asosiysi Yevroga chiqish. Agar o‘yin 0:0 hisobida yakunlansa, uyalmayman, biz turnirga yo‘llanma olamiz”, dedi Uoker matbuot anjumanida.
