"Chelsi" Viktor Osimxenni sotib olmoqchi.
CBS Sports jurnalisti Ben Jeykobsning so‘zlariga ko‘ra, "ko‘klar" "Napoli" hujumchisiga qiziqishda davom etmoqda. Londonliklar uni yanvarda sotib olishga harakat qilishar.
Ta’kidlanishicha, nigeriyalik futbolchi o‘tgan yozda bosh murabbiy etib tayinlangan Rudi Garsiya bilan ishlashni yoqtirmaydi.
Avvalroq "Chelsi" ishonchli markaziy hujumchi sotib olmoqchi, Osimxen esa asosiy variant ekani haqida xabar berilgandi.
Joriy mavsumda futbolchi A Seriyaning 8 ta uchrashuvida 6 ta gol urdi.