Bolgariyalik sobiq futbolchi Dimitar Berbatov portugaliyalik forvard Krishtianu Ronalduni yana 2-3 yil futbol o‘ynay oladi, deb hisoblaydi.

«Ronaldu o‘zi istagan paytda futbolni to‘xtatishi mumkin. Agar siz u kabi o‘zingizga g‘amxo‘rlik qiladigan bo‘lsangiz, futbolni kutilganidan uzoqroq o‘ynay olishingiz mumkin. Nazarimda, Krishtianu yana 2-3 yil davomida bemalol futbol o‘ynay oladi.

Odamlar uning tempi yuqori bo‘lmagan ligada o‘ynayotganini gapirishyapti, ammo bu ahamiyatga ega emas. U hamon kuchli ekanini isbotlamoqda. U Portugaliya terma jamoasi safida o‘z o‘yinlari va gollari orqali kuchli ekanini ko‘rsatmoqda.

Krishtianu Portugaliya terma jamoasining Yevro-2024 final bosqichiga chiqishi uchun yordam berdi. Futbolchi uchun qachondir so‘nggi musobaqa keladi, ammo, keling, hozircha bu haqda o‘ylamay turamiz.

Keling, uni o‘z holiga qo‘yamiz. U yangi qarori bilan tez orada barchani hayron qoldiradi. Bunga ishonchim komil. Hozircha esa uning o‘yinlaridan zavqlanib turamiz», – dedi «Manchester Yunayted» klubining sobiq o‘yinchisi.