"Betis" yarim himoyachisi Isko nima uchun "Real"da o‘ynaganida o‘z salohiyatini to‘liq ishga tushira olmaganini tushuntirdi. Eslatib o‘tamiz, ispaniyalik futbolchi 2022 yilning yozida erkin agent sifatida "qirollik klubi"ni tark etgandi.

“Ko‘p yillar davomida “Real Madrid”da bo‘ldim va juda baxtli edim. Murabbiylar bilan ba’zi narsalar sodir bo‘ldi. Nima qilsam ham, o‘ynashimga ruxsat berishmadi. Menda ruhiy tayyorgarlik yetarli emas edi. O‘zimni kuchliroq his qilishim kerak bo‘lgan lahzalar bo‘ldi, lekin aksincha, sinib qoldim", - deya Isko so‘zlaridan iqtibos keltiradi Madrid Xtra.

Joriy mavsumda Isko Ispaniya chempionatida “Betis” safida gol va golli uzatmani qayd etdi.