"Бетис" ярим ҳимоячиси Иско нима учун "Реал"да ўйнаганида ўз салоҳиятини тўлиқ ишга тушира олмаганини тушунтирди. Эслатиб ўтамиз, испаниялик футболчи 2022 йилнинг ёзида эркин агент сифатида "қироллик клуби"ни тарк этганди.

“Кўп йиллар давомида “Реал Мадрид”да бўлдим ва жуда бахтли эдим. Мураббийлар билан баъзи нарсалар содир бўлди. Нима қилсам ҳам, ўйнашимга рухсат беришмади. Менда руҳий тайёргарлик етарли эмас эди. Ўзимни кучлироқ ҳис қилишим керак бўлган лаҳзалар бўлди, лекин аксинча, синиб қолдим", - дея Иско сўзларидан иқтибос келтиради Madrid Xtra.

Жорий мавсумда Иско Испания чемпионатида “Бетис” сафида гол ва голли узатмани қайд этди.