"Inter" klubi bosh direktori Beppe Marotta Milan Shkrinyarning jamoadan ketganidan hafsalasi pir bo‘ldi.

Shkrinyar shu yozda "Inter"ni erkin agent sifatida tark etib, "PSJ"ga o‘tdi. Himoyachi yanvar oyida parijliklar bilan dastlabki kelishuvga erishgan va shuning uchun Simone Indzagi qarori bilan sardorlik bog‘ichidan mahrum bo‘lgandi.

“Men juda xafa bo‘ldim. Chunki futbolchi shartnomasini yangilamasa, u rahbariyatga yoki prezidentga emas, balki klub tarixiga, uning qadriyatlariga qarshi chiqqan bo‘ladi. U odamlarni emas, “Inter”ni xafa qildi.

U shartnomani uzaytirishi mumkin edi, biz shunga o‘xshash ko‘plab yechimlarni taklif qildik, hatto shartnomani bekor qilish haqidagi bandni ham taklif qildik, bu "Inter"ning ham, o‘zining ham manfaatlarini himoya qilardi. Lekin u yo‘q deb turaverdi", — dedi "Inter" bosh direktori.