"Интер" клуби бош директори Беппе Маротта Милан Шкриньярнинг жамоадан кетганидан ҳафсаласи пир бўлди.
Шкриньяр шу ёзда "Интер"ни эркин агент сифатида тарк этиб, "ПСЖ"га ўтди. Ҳимоячи январь ойида парижликлар билан дастлабки келишувга эришган ва шунинг учун Симоне Индзаги қарори билан сардорлик боғичидан маҳрум бўлганди.
“Мен жуда хафа бўлдим. Чунки футболчи шартномасини янгиламаса, у раҳбариятга ёки президентга эмас, балки клуб тарихига, унинг қадриятларига қарши чиққан бўлади. У одамларни эмас, “Интер”ни хафа қилди.
У шартномани узайтириши мумкин эди, биз шунга ўхшаш кўплаб ечимларни таклиф қилдик, ҳатто шартномани бекор қилиш ҳақидаги бандни ҳам таклиф қилдик, бу "Интер"нинг ҳам, ўзининг ҳам манфаатларини ҳимоя қиларди. Лекин у йўқ деб тураверди", — деди "Интер" бош директори.
