"Roma" va Italiya terma jamoasining sobiq hujumchisi Franchesko Totti zamonaviy futbol va o‘tgan yillar futboli o‘rtasidagi farqlar haqida o‘z fikrlari bilan o‘rtoqlashdi.

"Bugungi futbol menga yoqyaptimi? Umuman olganda, menga futbol har doim yoqqan, garchi hozir u biznikidan yaqqol farq qilsa ham. Bizning davrimizda jamoaviylik, jangovorlik ko‘proq edi. Hozirgi kunda odamlar o‘zlarining jismoniy tayyorgarligi haqida ko‘proq o‘ylashadi. O‘yin o‘zgargani aniq.

Misol tariqasida Bellingxem, Tchuameni, Kamavinga kabi jismonan kuchli o‘yinchilarga ega "Real Madrid"ni keltirsak bo‘ladimi? Ha, lekin biz doimo buyuk futbolchilar haqida gapiramiz. Bekxem, Roberto Karlos, Zidan bo‘lgan mening davrimdagi "Real"ni eslasak, bu normal holat... Bular butunlay boshqa futbolchilar. Bu fakt", - dedi Totti Marca bilan suhbatda.