"Рома" ва Италия терма жамоасининг собиқ ҳужумчиси Франческо Тотти замонавий футбол ва ўтган йиллар футболи ўртасидаги фарқлар ҳақида ўз фикрлари билан ўртоқлашди.
"Бугунги футбол менга ёқяптими? Умуман олганда, менга футбол ҳар доим ёққан, гарчи ҳозир у бизникидан яққол фарқ қилса ҳам. Бизнинг давримизда жамоавийлик, жанговорлик кўпроқ эди. Ҳозирги кунда одамлар ўзларининг жисмоний тайёргарлиги ҳақида кўпроқ ўйлашади. Ўйин ўзгаргани аниқ.
Мисол тариқасида Беллингхем, Тчуамени, Камавинга каби жисмонан кучли ўйинчиларга эга "Реал Мадрид"ни келтирсак бўладими? Ҳа, лекин биз доимо буюк футболчилар ҳақида гапирамиз. Бекхэм, Роберто Карлос, Зидан бўлган менинг давримдаги "Реал"ни эсласак, бу нормал ҳолат... Булар бутунлай бошқа футболчилар. Бу факт", - деди Тотти Marca билан суҳбатда.
