Pep Gvardiola Roberto de Dzerbi qo‘l ostida "Brayton" jamoasining o‘yiniga qoyil qolishini bir necha bor tan oldi. Jamoalar shanba kuni Premyer-liga bahsida to‘qnash kelishadi va "Manchester Siti" bosh murabbiyi o‘yinoldi matbuot anjumanida bu borada yana bir bor fikr bildirdi.
"De Dzerbi "Brayton"ni top-klubga aylantirmoqda. Makallister va Kolvill ketishdi, ammo jamoa eng yuqori saviyada futbol o‘ynashda davom etmoqda. Albatta, ularda boshqa sifatli o‘yinchilar ham ko‘p, ammo shunday murabbiy bilan ular yanada yaxshi ko‘rinishga ega bo‘lishini his qilyapman.
"Brayton" oddiy narsalarni hayratlanarli darajada bajaradi. Jamoa har qanday vaziyatda ham o‘z uslubiga sodiq, men uni tomosha qilishni yaxshi ko‘raman", - dedi Gvardiola Manchester Evening News bilan suhbatda.
