Пеп Гвардиола Роберто де Дзерби қўл остида "Брайтон" жамоасининг ўйинига қойил қолишини бир неча бор тан олди. Жамоалар шанба куни Премьер-лига баҳсида тўқнаш келишади ва "Манчестер Сити" бош мураббийи ўйинолди матбуот анжуманида бу борада яна бир бор фикр билдирди.
"Де Дзерби "Брайтон"ни топ-клубга айлантирмоқда. Макаллистер ва Колвилл кетишди, аммо жамоа энг юқори савияда футбол ўйнашда давом этмоқда. Албатта, уларда бошқа сифатли ўйинчилар ҳам кўп, аммо шундай мураббий билан улар янада яхши кўринишга эга бўлишини ҳис қиляпман.
"Брайтон" оддий нарсаларни ҳайратланарли даражада бажаради. Жамоа ҳар қандай вазиятда ҳам ўз услубига содиқ, мен уни томоша қилишни яхши кўраман", - деди Гвардиола Manchester Evening News билан суҳбатда.
