"Napoli" hujumchisi Viktor Osimxen mavsum o‘rtasida jamoasini tark etmasligi kutilmoqda. Jurnalist Fabrisio Romanoning so‘zlariga ko‘ra, nigeriyalik futbolchi bilan yanvarda shartnoma imzolash deyarli imkonsiz bo‘ladi. Faqat aqldan ozgan taklif vaziyatni o‘zgartirishi mumkin.
Shu bilan birga, manbaning qo‘shimcha qilishicha, Osimxenning transferi kelasi yozda amalga oshishi mumkin. Viktorning “Napoli” bilan shartnomasi 2025 yilning iyun oyida tugaydi va tomonlar yangi shartnoma imzolashdan yiroq. Keyingi yozda "Napoli" nigeriyalikni bir yil ichida tekinga boy bermaslik uchun uni chegirma bilan sotishi mumkin.
Ilgari Osimxenga Londonning “Chelsi” va “Real” kabi klublari qiziqish bildirayotgan edi.