Futzal bo‘yicha mamlakat XXVI milliy chempionat bahslarining 2-tur o‘yinlari Qarshi shahridagi “Geolog” sport majmuasi zalida bo‘lib o‘tishi oydinlashdi. Tur o‘yinlari 23-25 oktyabr sanalariga rejalashtirilgan. Bu tarda ham jamoalar ikkitadan o‘yinda maydonga tushishi kutilayapti.

12 ta jamoa ishtirok etayotgan oliy liga bahslarida hozircha faqat bitta jamoa – Buxoroning “Oil Star” jamoasi yuz foizlik natija ko‘rsatib, musobaqa jadvalida peshqadamlik qilmoqda. 1-turda o‘zaro durang o‘ynagan OKMK hamda “Bunyodkor” ikkinchi va uchinchi o‘rinda borayapti. Ikki jamoa – “Navbahor” hamda “Paxtakor” esa ochkoga ega emas.

Bekobodning “Metallurg” jamoasi Farg‘ona turida 3 ochkoni qo‘lga kiritdi. Sardor Inomjonov boshchiligidagi futzalchilarimizda bitta g‘alaba, bitta mag‘lubiyat bor. Qarshidagi turda futzalchilarimiz “Bunyodkor” hamda “Navbahor” jamoalariga qarshi maydonga chiqishadi.

2-tur o‘yinlari taqvimi

1-kun, 23 oktyabr (dushanba)
11:00 Navbahor – Oil Star
13:00 Bunyodkor – Metallurg
15:00 OKMK – Dinamo
17:00 Jizzax Kenteks – BMB
 
2-kun, 24 oktyabr (seshanba)
11:00 Paxtakor – Nasaf
13:00 Navbahor – Metallurg
15:00 Lokomotiv – Maksam Chirchiq
17:00 Bunyodkor – Oil Star

3-kun, 25 oktyabr (chorshanba)
11:00 Paxtakor – BMB
13:00 OKMK – Maksam Chirchiq
15:00 Lokomotiv – Dinamo
17:00 Jizzax Kenteks – Nasaf