Футзал бўйича мамлакат XXVI миллий чемпионат баҳсларининг 2-тур ўйинлари Қарши шаҳридаги “Геолог” спорт мажмуаси залида бўлиб ўтиши ойдинлашди. Тур ўйинлари 23-25 октябрь саналарига режалаштирилган. Бу тарда ҳам жамоалар иккитадан ўйинда майдонга тушиши кутилаяпти.

12 та жамоа иштирок этаётган олий лига баҳсларида ҳозирча фақат битта жамоа – Бухоронинг “Оил Стар” жамоаси юз фоизлик натижа кўрсатиб, мусобақа жадвалида пешқадамлик қилмоқда. 1-турда ўзаро дуранг ўйнаган ОКМК ҳамда “Бунёдкор” иккинчи ва учинчи ўринда бораяпти. Икки жамоа – “Навбаҳор” ҳамда “Пахтакор” эса очкога эга эмас.

Бекободнинг “Металлург” жамоаси Фарғона турида 3 очкони қўлга киритди. Сардор Иномжонов бошчилигидаги футзалчиларимизда битта ғалаба, битта мағлубият бор. Қаршидаги турда футзалчиларимиз “Бунёдкор” ҳамда “Навбаҳор” жамоаларига қарши майдонга чиқишади.

2-тур ўйинлари тақвими

1-кун, 23 октябрь (душанба)
11:00 Навбаҳор – Оил Стар
13:00 Бунёдкор – Металлург
15:00 ОКМК – Динамо
17:00 Жиззах Кентекс – БМБ
 
2-кун, 24 октябрь (сешанба)
11:00 Пахтакор – Насаф
13:00 Навбаҳор – Металлург
15:00 Локомотив – Максам Чирчиқ
17:00 Бунёдкор – Оил Стар

3-кун, 25 октябрь (чоршанба)
11:00 Пахтакор – БМБ
13:00 ОКМК – Максам Чирчиқ
15:00 Локомотив – Динамо
17:00 Жиззах Кентекс – Насаф