Kataloniyaning “Barselona” klubi rahbari Joan Laporta 2026 yilda bo‘lib o‘tadigan “ko‘k-anorranglilar"ning navbatdagi prezidentlik saylovlarida ishtirok etish niyatida.
“Men buni qilishga haqqim bor. Men yana o‘z nomzodimni ko‘rsatishim mumkin. Hozirgi direktorlar kengashi bilan klubda ishlashni davom ettirmoqchiman. Biz hammamiz o‘z ishimizga fidoyimiz", - deydi klub rahbari.
Eslatib o‘tamiz, Laporta Kataloniya klubi prezidenti lavozimiga 2021 yilda qaytgan edi.
Ispaniya chempionatining joriy mavsumida “Barselona” 9 o‘yindan so‘ng 21 ochko to‘pladi. Jamoa La Liga turnir jadvalida to‘rtinchi o‘rinni egallab turibdi.