Каталониянинг “Барселона” клуби раҳбари Жоан Лапорта 2026 йилда бўлиб ўтадиган “кўк-анорранглилар"нинг навбатдаги президентлик сайловларида иштирок этиш ниятида.
“Мен буни қилишга ҳаққим бор. Мен яна ўз номзодимни кўрсатишим мумкин. Ҳозирги директорлар кенгаши билан клубда ишлашни давом эттирмоқчиман. Биз ҳаммамиз ўз ишимизга фидойимиз", - дейди клуб раҳбари.
Эслатиб ўтамиз, Лапорта Каталония клуби президенти лавозимига 2021 йилда қайтган эди.
Испания чемпионатининг жорий мавсумида “Барселона” 9 ўйиндан сўнг 21 очко тўплади. Жамоа Ла Лига турнир жадвалида тўртинчи ўринни эгаллаб турибди.