"Real"da ijara asosida o‘ynayotgan "Chelsi" darvozaboni Kepa Arrizabalaga Angliyaga qaytmaslik istagini yana bir bor ta’kidladi.
“Albatta, avvalgidek “Real”da qolishni istayman. Ammo hozir muzokaralar vaqti emas. Bu yerda o‘tkazgan uch oyim yaxshi o‘tdi, deb ayta olaman. Oldinda uzoq mavsum bor, kampaniya yakuniga qadar vaziyatga baho beramiz", - deya Kepa so‘zlarini keltiradi jurnalist Fabrisio Romano.
Ispaniyalik futbolchi “Los-Blankos” safida o‘nta o‘yin o‘tkazib, sakkizta gol o‘tkazib yuborgan. Uning "Chelsi" bilan shartnomasi 2025 yilgacha mo‘ljallangan.