"Реал"да ижара асосида ўйнаётган "Челси" дарвозабони Кепа Арризабалага Англияга қайтмаслик истагини яна бир бор таъкидлади.
“Албатта, аввалгидек “Реал”да қолишни истайман. Аммо ҳозир музокаралар вақти эмас. Бу ерда ўтказган уч ойим яхши ўтди, деб айта оламан. Олдинда узоқ мавсум бор, кампания якунига қадар вазиятга баҳо берамиз", - дея Кепа сўзларини келтиради журналист Фабрицио Романо.
Испаниялик футболчи “Лос-Бланкос” сафида ўнта ўйин ўтказиб, саккизта гол ўтказиб юборган. Унинг "Челси" билан шартномаси 2025 йилгача мўлжалланган.