Madridning “Real” klubi yarim himoyachisi Braim Dias mavsum yakunlanganidan keyin sotib yuborilishi mumkin.
24 yoshli futbolchi “Milan”da ikki yillik ijara muddatidan keyin “Los-Blankos”ga qaytdi, biroq jamoaning asosiy tarkibiga kira olmadi. Sport xabariga ko‘ra, agar vaziyat keskin o‘zgarmasa, "Real" kelasi yozda Diasni 20 million yevroga sotishga tayyor. Avvalroq futbolchiga Angliya Premyer-ligasi klublari qiziqish bildirayotgan edi.
Braim Dias ushbu mavsumda bor-yo‘g‘i 117 daqiqa o‘ynadi va faqat bir marta asosiy tarkibdan joy oldi. Ispaniyalik futbolchining shartnomasi 2027 yilning o‘rtalariga qadar mo‘ljallangan.