Jamol Musiala top-klublarning qiziqishiga qaramay, «Bavariya»dan ketish haqida o‘ylamayapti.
20 yoshli hujumkor yarim himoyachining myunxenliklar klubi bilan shartnomasi 2026 yilning yoziga qadar mo‘ljallangan.
Sky xabariga ko‘ra, tomonlar kelishuvni uzaytirish bo‘yicha hozircha faol muzokaralar olib borishmayapti. Musialaning amaldagi shartnomasi bo‘yicha maksimal maoshi yiliga 9 million yevroni tashkil qiladi.
Biroq, endi Musiala uchun maoshni oshirishdan ham muhimroq narsalar bor. U o‘zi to‘p tepayotgan jamoa Chempionlar ligasida g‘alaba qozonish imkoniyatiga ega ekanligini ko‘rishi kerak.
U «Bavariya»da «Oltin to‘p»ni qo‘lga kiritmoqchi. Bu uning shaxsiy maqsadi va u bunga erishmoqchi.
