"Inter" bosh murabbiyi Simone Indzagi Chempionlar ligasi guruh bosqichi 3-turida "Zalsburg" ustidan qozonilgan g‘alaba (2:1) haqida fikr bildirdi.

"Bu pley-offga chiqish uchun kurash nuqtai nazaridan juda muhim g‘alaba. O‘yin boshida to‘g‘ri o‘yin topa olmadik, ammo "Inter" oldinga chiqib olganidan keyin to‘pni yaxshi nazorat qila boshladik. Biz shuningdek gol o‘tkazib yuborganimizdan keyin javob qaytardik va haqli g‘alabani qo‘lga kiritdik. Hozirda 7 ochkomiz bor, lekin bu juda teng guruh va har bir o‘yin muhim. Hozir bizda ketma-ket ikkita safar o‘yini bor va biz Chempionlar ligasida hech narsa oson bo‘lmasligini bilamiz", - deya Indzagi so‘zlarini keltiradi UEFA sayti.