"Интер" бош мураббийи Симоне Индзаги Чемпионлар лигаси гуруҳ босқичи 3-турида "Зальцбург" устидан қозонилган ғалаба (2:1) ҳақида фикр билдирди.
"Бу плей-оффга чиқиш учун кураш нуқтаи назаридан жуда муҳим ғалаба. Ўйин бошида тўғри ўйин топа олмадик, аммо "Интер" олдинга чиқиб олганидан кейин тўпни яхши назорат қила бошладик. Биз шунингдек гол ўтказиб юборганимиздан кейин жавоб қайтардик ва ҳақли ғалабани қўлга киритдик. Ҳозирда 7 очкомиз бор, лекин бу жуда тенг гуруҳ ва ҳар бир ўйин муҳим. Ҳозир бизда кетма-кет иккита сафар ўйини бор ва биз Чемпионлар лигасида ҳеч нарса осон бўлмаслигини биламиз", - дея Индзаги сўзларини келтиради УЕФА сайти.
