"Braga" - "Real Madrid" uchrashuvidan so‘ng jamoa futbolchilari o‘rtasida to‘qnashuv yuzaga keldi.
Chempionlar ligasi guruh bosqichi o‘yinidan so‘ng “Real” himoyachisi Antonio Ryudiger markazda turgan “Braga” futbolchilaridan biri bilan janjallashib qoldi.
“Real”ning bir qancha futbolchilari va bosh murabbiyi Karlo Anchelotti janjalni tarqatishga urinib ko‘rdi va natijada nemis himoyachisi maydondan olib ketildi. Tribunadagi muxlislar bu hodisaga hushtakbozlik bilan munosabat bildirishdi.
Uchrashuv “Real”ning 2:1 hisobidagi g‘alabasi bilan yakunlandi.